Liber Deuteronomii*
Caput 2: Versus 1
Et circuivimus montem Seir,etc. Seir est mons in terra Edom, in quo habitavit Esau in regione Gabalena, ubi habitavit antea Chorraeus quem interfecit Chodorlahomor; qui ab Esau piloso et hispido, Seir, id est pilosi, nomen accepit. Chorraei sicut caeterae gentes, quas superaverunt, qui de patriarcharum semine descenderunt, malignos spiritus vel vitia exprimunt, quae illi exsuperare possunt, qui sanctorum Patrum vestigiis et doctrinis insistunt, et spiritalem militiam sub rege Christo agunt, de qua dicitur:Non est nobis colluctatio adversus carnem et sanguinem, sed adversus principes et potestates,etc.[Ephes. 6.].